Bashkia nuk u shtroi rrugën për fushatë, banorët e tri fshatrave në Kukës “përveshin mëngët”

Banorët e fshatrave Topojan, Xhaferaj dhe Turaj janë bërë bashkë për të kontribuar në ndërtimin e një rruge të përbashkët. Ky segment është i shkurtër por lidh bjeshkët e Kukësit, më konkretisht zonën e Turaj -Kroi Bardhë -Kroi i Kuq. Kështu që banorët në pamundësi tjetër, i kanë hyrë punës vetë.

Punimeve elektorale me kalimin e fushatës zgjedhore u erdhi fundi, kështu që banorët e disa fshatrave të Kukësit kanë vendosur që ta ndërtojnë vetë një rrugë, e cila shkon 5 kilometra. Kjo nuk është hera e parë kur banorë të zonave të ndryshme janë bërë bashkë për t’i zgjidhur hallet e tyre.