Në një rrëfim sot në ekran, fituesi i “Këngës Magjike 2021” Alban Ramosaj ka folur për raportin special që ka me dy gratë më të rëndësishme në jetën e tij, të ëmën Antigona si dhe motrën, Beatrix.
Por ata nuk kanë lënë pa zbuluar dhe një fakt shumë interesant, që ka zbuluar dhe një rastësi të madhe.
Të pyetur për fjalën e parë, Beatrix ka treguar se ka thënë “babi”, ndërsa fjala e parë e Albanit ka qenë fjala “thika”.
“Të betohem që s’ka qenë e parapërgatitur. Por nuk e di si e kam harruar pa përmendur. Fjala e parë ka qenë ‘thika’, ose më saktë ‘fika’,” ka treguar Albani duke shtuar se shkronjën “th” e bënte “f” për një farë kohe gjatë fëmijërisë.
Kjo është një rastësi e çuditshme, pasi edhe kënga që Albanin fitoi Këngën Magjike titullohej “Thikat e mia”.
