Prokuroria e Posaçme kundër Krimit dhe Korrupsionit (SPAK) ka arrestuar këtë të shtunë prokurorin e Sarandës, Sali Hasa, pasi akuzohet për korrupsion në sistemin e drejtësisë.
Në pranga ka përfunduar edhe oficeri i policise gjyqësore, Napoleon Hodaj, zyrtari i klubit “Përmeti”, Bledar Hajredin, arbitri i ndeshjeve të futbollit, Qerim Ruçi, si dhe dy shtetasit Julian Zera e Emiljano Mirani.
Mediat mësojnë se Forcat e Ndërhyrjes së Shpejtë dhe oficerët e SPAK ndodhen aktualisht në Prokurorinë e Sarandës, ku po bëjnë edhe kontrolle pas arrestimit të prokurorit.
Ky i fundit është arrestuar pas një hetimi nga SPAK, ku ka rezultuar se prokurori ishte i përfshirë në një rast korrupsioni.
SPAK dhe FNSH po ushtrojnë kontrolle të rrepta në zyrat e Prokurorisë së Sarandës, si dhe në banesa.