Akuzohet për korrupsion, GJKKO jep vendimin për prokurorin Sali Hasa

Ditën e sotme Gjykata Kundër Korrupsionit dhe Krimit të Organizuar (GJKKO) ka lënë në burg prokurorin e Sarandës Sali Hasa si dhe katër persona të tjerë.

Ai dyshohet se ka shpëtuar nga ndjekja penale shtetasin Emiljano Mirani, i cili akuzohej për plagosje të lehtë me dashje.

Në “arrest shtëpie” është lënë Bledar Hajredinaj, zyrtari i klubit të Përmetit i cili akuzohet se ka gisht në trukimin e ndeshjeve të futbollit.

Referuar njoftimit zyrtar të SPAK, bëhet me dije se hetimet kishin nisur për disa vepra penale, kryesisht “trafik droge” dhe “grup kriminal”, dhe më pas janë zbuluar dy skema të tjera.

Sali Hasa akuzohet për veprën penale “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”. Ka qenë një dosje që ai kishte në dorë dhe po bënte hetime, e cila “i ka bërë gropën” prokurorit të Sarandës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern