Akuza të rënda/ SPAK i jep goditjen e rëndë “të fortëve” të Elbasanit, emra të njohur në qytet

Ditën e sotme SPAK i ka komunikuar akuzën Ardian dhe Florenc Çapjës si dhe 4 personave të tjerë.

Mbi ta rëndon akuza e vrasjes së babë e bir në Elbasan, Nezir e Gentian Beqiri në vitin 2012.

Sipas Prokurorisë së Posaçme Antikorrupsion dhe Krimit të Organizuar, të dy xhaxha e nip akuzohen për ‘vrasje në rrethana cilësuese 2, më shumë personave’, ‘grup të strukturuar’ ‘armëmbajtje pa leje’.

Ardian Çapja u arrestua më 29 mars në Elbasan, ndërsa nipi i tij, Florenc Çapja është ende në kërkim nga policia. Xhaxha e nip, akuzohen për vrasjen e Gentian Beqirit dhe babait të tij Nezirit në 2012.

Në gjurmët e tyre, policia ka rënë falë dëshmisë së të penduarit të drejtësisë, Ervis Bardhi, i cili mes të tjerash, ka thënë se Ardian Çapja i kishte ofruar 50 mijë euro për vrasjen e Gentian Beqirit dhe babait të tij Nezirit.