Aksidentoi gruan shtatzënë me “Benz”-in luksoz, arrestohet djali i ish-zyrtarit të Policisë së Shtetit

19-vjeçari Jehon Breçani, përgjegjësi i një aksidenti të rëndë të ndodhur një ditë më parë në Tiranë, është vënë në pranga.

Sipas njoftimit të polivisë, Breçani, djali i ish-zv.drejtorit të Policisë së Shtetit, Erzen Breçani, një ditë më parë përplasi me mjetin e tij luksoz, një vajzë shtatzënë.

E reja po priste urbanin, në momentin që Breçani humbi kontrollin e mjetit të tij dhe doli nga rruga.

Njoftimi i policisë: Arrestohet J. B., 19 vjeç, pasi ditën e djeshme në rrugën “Xhanfize Keko”, ka aksidentuar këmbësoren shtetasen Xh. G., 24 vjeçe, e cila ndodhet në spital, nën kujdesin e mjekëve;