“Ajo është dashuria e jetës sime”, kri mineli i dërgon unazë dhe pilula kontraceptive Kim Kardashian-it

Kim Kardashian ka marrë një urdhër mbrojtjeje të përkohshëm, pasi një burrë dyshohet se i dërgoi një unazë fejese direkt në shtëpinë e saj.

Mësohet se avokati i Kardashian, Shawn Holley, paraqiti një kërkesë për një urdhër ndalimi, pasi një person u përpoq në mënyrë të përsëritur t’i afrohej yllit të televizionit.

Në deklaratën e dhënë, Kardashian pretendon se burri filloi ta ndiqte atë në datën 24 shkurt, kur ai dyshohet se “gabimisht” hyri në ambientin ku ajo banon me katër fëmijët e saj.

Dokumentet tregojnë po ashtu se ai u tërhoq nga një roje i sigurisë dhe u pyet se pse ishte atje. Në këtë moment, ai i tha oficerit: “Unë jam këtu për të parë Kim, ajo është dashuria e jetës time”.

Personi dyshohet se u përpoq të hynte sërish në komunitetin e mbyllur të Kardashian, duke pretenduar se ai ishte atje për ta marrë Kim për një darkë, por u ndalua nga sigurimi.

Kohët e fundit, në dokumentet e gjykatës thuhet qartë se personi dyshohet se ka dërguar një paketë që përmbante një unazë martese dhe pilula kontraceptive në shtëpinë e Kardashian.

Më pas, Kim ka treguar se në statuset e tij në rrjete sociale, ky person shkruante se ishte në lidhje me yllin e televizionit dhe se madje ishte i martuar me të.

Ajo ka dëshmuar se nuk ka qenë kurrë në një lidhje me të dhe se madje nuk e ka njohur e as e ka takuar ndonjëherë.

Kim është shprehur tejet e shqetësuar për këtë rast, pasi skuadra e saj e sigurisë ka zbuluar se personi në fjalë ka pasur të kaluar kriminale.