LIGJET E BIZNESIT
Kryeprokurorja e Tiranës Elizabeta Imeraj në emisionin “Opinion”, Imeraj mohoi që zgjidhja e martesës së saj të ketë patur lidhje me vetingun.
Pjesë nga biseda në studio:
Imeraj: Fevzi unë u kam thënë dhe fëmijëve të më ndjekin sonte. Divorci im është bërë, për arsye që nuk ka nevojë besoj t’i them këtu në televizion.Nuk ka lidhje zgjidhja e martesës me vetingun, ka zgjidhur vetëm dy momente: takimin e të atit me fëmijët dhe faktin e të lënit të fëmijëve mua personalisht.
Fevziu: Pretendimi është që është divorc “fake” dhe gjithçka vazhdon normalisht…
Imeraj: Unë kam nga shtatori 2018 me vetingun dhe çdo ditë e jetesës sime, e takimeve, kontakteve, përfshirë edhe tabulatet e telefonit tim kanë qenë të regjistruara me letra. Kjo nuk më shqetëson asgjë, por në thelb nuk është e nevojshme të ndahen me publikun arsyet e zgjidhjes së martesës sime. Por ajo që ligji kërkon është që kjo çështje të mos ketë lidhje me vetingun.
