A duhen hapur shtëpitë publike në Shqipëri? Ja si përgjigjet Zhaklina Lekatari 

Zhaklina Lekatari thotë se vendi ynë nuk është ende gati për hapjen e shtëpive publike, teksa fillimisht përmendi se duhet dekriminalizuar prostitucioni, duhen bëre studime të shumta për të mbledhur të dhëna për qytetarët shqiptarë.

“Parimisht jam pro, por për momentin jam kundër hapjes së shtëpive publike në Shqipëri.  Nuk kemi studime, nuk kemi të dhëna, nuk kemi studime. Duke mos pasur të dhëna ne nuk bëjmë dot strategji të dedikuara, për te zgjidhur problemet shoqërisë që kemi. Hapja e shtëpive publike në Shqipëri, për momentin, nuk është rruga e duhur.

Nuk kemi të dhëna dhe nuk e dimë saktë nëse njerëzit shqiptar kanë devijanca (shije seksuale të deformuara), kanë parafili, kanë sëmundje mendore , a janë të frustruar seksualisht, apo  janë potentë seksualë. Ne nuk e dimë realisht se çfarë problemesh kanë shqiptarët.

Nuk fillohet direkt te hapja e shtëpive publike, fillohet me dekriminalizimi i prostitucionit, pra nga ana ligjore, të mos dënohet prostituta. Siç ndodh në Suedi, ku nuk dënohet dhënia e shërbimit, por dënohet marrja e shërbimit”, thotë Zhaklina.