“40 ditë në terapi intensive”/ Manastirliu jep lajmin: Ja çfarë ka ndodhur me trinjakët

Trinjakët, Roi, Ajsi dhe Ersa janë tashmë jashtë rrezikut për jetën, njofton ministrja e Shëndetësisë, Ogerta Manastirliu .

Ata prej 40 ditësh të vegjlit kanë qenë në shërbimin e terapisë intensive, por tashmë gëzojnë shëndet të plotë.

“Pas 40 ditësh të vështira në shërbimin e terapisë intensive, trinjakët Roi, Ajsi dhe Ersa sot kanë dalë nga rreziku dhe gëzojnë shëndet të plotë

#Mirënjohje për dr. Alma Hysa për përkushtimin ndaj trinjakëve që e fituan betejën për jetën si dhe për të gjithë stafin e Reanimacionit të Maternitetit “Koço Gliozheni”, për kujdesin e jashtëzakonshëm për të lindurit prematurë.

Trinjakët kanë përfituar sot edhe bonusin e bebes prej 360,000 lekë të reja dhe së shpejti do të jenë gati të shkojnë në shtëpi.

#JetëTëGjatë”, shkruan Manastirliu.