LIGJET E BIZNESIT
4 persona mbetën të vrarë dhe 2 të plagosur, para dy ditësh në Velipojë, si pasojë e të shtënave me armë zjarri. Pronarët e dy hoteleve, konkretisht Fntazia dhe Gocaj, u konfliktuan me njëri-tjetrin për shezlongët, konflikt ky i cili degjeneroi në përdorimin e armëve.
Viktima të ngjarjes mbetën: Kujtim Ferracaku, Xhovano Gocaj, Edmond Gocaj dhe Myzerim Zeneli. Të plagosur: Hasan Ferracaku dhe Elmedin Tyli.
Nga grupi i hetimit nuk ka informacion ende se kush ka qëlluar i pari, pasi personat e plagosur kanë thënë se ata kishin shkuar për të sqaruar vendosjen e shezlongëve dhe jo për t’u konfliktuar. Në vendngjarje po ashtu janë sekuestruar pamjet e disa kamerave të sigurisë, por deri tani nuk ka informacione.
Burime për Fax Neës thonë se në vendngjarje kanë qëlluar 4 armë, tre pistoleta dhe një kallashnikov. Në total, para hotelit ku ndodhi përplasja me armë janë gjetur 13 gëzhoja armësh, 5 prej të cilave të paplasura.
Kanë qenë disa gëzhoja të cilat pasi janë kqyrur nga grupi i hetimit, është zbuluar se qitje janë bërë dhe nga një armë zjarri kallashnikov.
Mirëpo, policia nuk ka mundur ende të gjejë këtë të fundit.
Në kërkim janë shpallur tre djemtë e Hasan Ferracakut, që dyshohen se kanë marrë pjesë në ngjarje dhe akuzohen për kryerjen e veprave penale “Vrasja në rrethana të tjera cilësuese, kundër dy ose më shumë personave” dhe “Prodhimi dhe mbajtja pa leje e armëve luftarake dhe municionit”, në bashkëpunim.
