Policia Federale e Gjermanisë, ka ekstraduar një shtetase shqiptare 32-vjeçare, në Luksemburg.
Policia në njoftimin e saj bën me dije se kundër gruas në fjalë ishte lëshuar një urdhër arresti Evropian nga Gjykata e Qarkut, e Luksemburgut, në prill të vitit 2021.
Urdhri kishte të bënte me dyshimin për tentativë vrasje, armëmbajtje pa leje si dhe shkelje të Ligjit mbi substancat narkotike. E dyshuara akuzohet se ka qëlluar një burrë me një armë të cilën e mbante pa leje.
Një akt i tillë kishte ndodhur në Remich, Luksemburg, në nëntor të vitit 2020, duke i shkaktuar burrit në fjalë lëndime në të dyja këmbët.
Për fat të mirë, burri kishte mundur të largohej e në këtë mënyrë u shmang edhe ndonjë tragjedi e mundshme.
E dyshuara u dorëzuar në pikën kufitare në mes të Gjermanisë dhe Luksemburgut, në Wasserbilligerbrück.