“Vuri kombin mbi të gjitha” Diplomatja shqiptare në mbrojtje të Sali Berishës: Lider historik, shkëlqimi i tij i paprekshëm

Ish-kryeministri Sali Berisha ka marrë  mbështetjen e parë publike nga Kosova, pasi DASH e shpalli “non-grata” në SHBA ditën e djeshme.

Bëhet fjalë për diplomaten e njohur dhe ish zv.kryeministren e Kosovës, Edita Tahiri.

Kjo e fundit e cilëson Berishën si një lider historik, shkëlqimi kombëtar i së cilit është i paprekshëm.

Sipas Tahirit, ish-kryeministri bëri kthesën historike nga komunizmi në demokraci dhe vuri kombin mbi të gjitha.

MESAZHI I PLOTE:
Shkelqimi kombetar i Sali Berishes eshte i paprekshem. Ai mbetet nje lider historik i kombit shqiptar sepse vuri kombin mbi te gjitha. Udhehoqi me vizion dhe vendosmeri drejt Shqiperise demokratike dhe Euro-atlantike dhe aleances strategjike me Ameriken, duke bere kthesen historike nga komunizmi ne demokraci. Solli lirine per popullin duke i dhane fund totalitarizmit qe kishte pllakosur Shqiperine per dekada.

Por mbi te gjitha Sali Berisha mbrojti dhe avancoi interesat kombetare duke i dhene mbeshtetje gjysmes tjeter te kombit te mbetur padrejtesisht nen dominimet e huaja. Njohja e hershme e pavaresise se Kosoves, dhe mbeshtetja e vazhueshme per luften tone per liri e pavaresi ka qene nje shtylle e forte per neve udheheqesite e pavaresise se Kosoves. Askush nuk mund ta cenoj atdhetarine e Sali Berishes. Nuk ka lider pa gabime, por lideret qe shkruajne historine e kombit mbeten ne faqen e ndritshme te historise!