LIGJET E BIZNESIT
Vlora Çitaku, një prej personave të afër të ish-presidentit të Kosovës Hashim Thaçi, dhe mike e familjes së kryeministrit Edi Rama, besohet se do të jetë pjesë e kabinetit “Rama 3”.
Gazetari Milaim Zeka, konfirmon lajmin duke komentuar dhe vizitën që Çitaku kishte pasur në Tiranë pak ditë më parë, dhe ku mendohet se ka takuar Ramën.
Nga ana tjetër, kryeministri në një darkë që pati me ministrat dhe deputetët e PS-së tha që qeveria që do të nisë punë nga shtatori, do të ketë në përbërje të saj dhe persona që nuk janë deputetë, apo nuk kanë qenë pjesë e fushatës elektorale të 25 Prillit.
Ndërkohë kryetari në detyrë i PDK-së, Enver Hoxhaj thotë se nuk është takuar me Çitakun që të bisedojë për këtë, por shton se po të vendosej Çitaku në krye të ministris së Punëve të Jashtme të Shqipërisë do të ishte mirë.
“Do të ishte mirë nëse ndodh, por nuk kam ndonjë informatë”, shtoi Hoxhaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
