Vjen në Rinas avioni me 267 ushtarë amerikanë, ambasadorja Kim: Sjell përfitime ekonomike për Shqipërinë

Sot pasdite ka mbërritur në aeroportinn e Rinasit avioni me 267 ushtarë amerikanë.

E gjitha kjo ka ndodhur në kuadër të stërvitjes “Defender 21” që Shqipëria pret si aleate e NATO-s.

Në një prononcim për mediat ambasadorja amerikane Yuri Kim tha se kjo stërvitje do të shërbejë edhe ekonomikisht për Shqipërinë.

“Është një ditë emocionuese. Jemi këtu për të parë ardhjen e trupave amerikane që vijnë në Shqipëri për stërvitjen më të madhe të bërë në këtë rajon. Shqipëria është mikëpritësi kyç nga të gjithë vendet e Ballkanit. Kjo është historike. Dua të nënvizoj se kjo stërvitje përveç përfitimi ushtarak sjell me vete punë dhe injektim në ekonomi.

SHBA ka shpenzuar 35 mln dollarë për punësimin e shqiptarëve si shoferë, punëtorë ndërtimi apo kuzhinierë. Ne do të kemi më shumë se 6000 ushtarë amerikanë këtu, jo të gjithë njëherësh por herë pas herë”, tha ambasadorja.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ushtarët amerikanë në vendin tonë vijnë në kuadër të stërvitjes ndërkombëtare “Defender Europe 21”, në të cilën merr pjesë edhe Shqipëria.