Tragjedi e dyfishtë/ Nëna mbyt aksidentalisht beben kur bie mbi të pas atakut kardiak

Një nënë argjentinase ka shtypur për vdekje beben e saj të sapolindur pasi humbi ndjenjat dhe më pas ra mbi të teksa po i jepte gji.

30-vjeçarja Mariana Ojeda, e cila vuante nga tensioni i lartë, humbi ndjenjat dhe nuk u zgjua më duke rënë mbi vajzën e vogël, teksa ishte në shtëpi me të dy fëmijët e saj në Corrientes, të Argjentinës.

Autopsia e dy viktimave është ende duke u kryer ndonëse pse hetimet nuk tregonin shenja dhune.

Besohet se nëna ka ndërruar jetë nga një atak i hipertensionit, duke rënë e shtypur për vdekje te bijën, që po e ushqente me gji.

Nëse zgjat, tensioni i lartë mund të jetë fatal teksa mund të shkaktojë ishemi apo atak kardiak.

Bashkëshorti i gruas, ishte përpjekur që të kontaktonte, mirëpo  pas disa tentativash në telefon u përgjigj djali i tyre tre-vjeçar i cili tha se ato “ende janë në gjumë”.

Vajza e madhe e çiftit ndodhej në shtëpinë e gjyshes. Kur Ojeda nuk erdhi që të merrte vajzën e saj familjarët nisën që të telefononin mirëpo nuk merrnin përgjigje.

Rrjeti vendas Telecinco, u shpreh se Gabriel kuptoi se diçka nuk shkonte dhe kur shkoi në shtëpi gjeti gruan dhe të bijën dy muajshe të vdekura në krevat.

Policia tha se po heton ngjarjen.