Tiranë/ I plas goma në ecje urbanit, plagoset një qytetare

Një incident ndodhi pasditen e sotme tek “Rruga e Kavajës” me urbanin e linjës.

Policia njoftoi se ngjarja ndodhi rreth orës 15:40, ku ka plasur goma e një autobusi gjatë kohës që ka qenë në lëvizje.

Si pasojë është dëmtuar lehtë një shtetase që ka qenë aty në afërsi, e cila u dërgua në spital, për të marrë ndihmë mjekësore.

Policia vijon veprimet për zbardhjen e plotë të këtij incidenti.