LIGJET E BIZNESIT
Sot presidenti Ilir Meta refuzoi që të mos merrte pjesë në seancën dëgjimore të Komisionit Hetimor që ka ngritur Kuvendi për shkarkimin e tij
Në letrën e drejtuar Kryetarit të Kuvendit, Meta shkroi se kërkesa për paraqitjen e tij nuk kishte asnjë bazë ligjore.
Por pavarësisht kësaj, Komisioni Hetimor është mbledhur dhe pa shkarkimin e Metës, teksa ka vendosur që ti lërë afat Kreut të shtetit deri ditën e hënë në 24 maj për tu paraqitur në seancën dëgjimore të rradhës.
Kryetari i Komisionit, Alket Hyseni, është shprehur se Meta mund ta caktojë vetë ditën dhe orën kur do të paraqitet në Komisionin Hetimor.
Propozoj t’i nisim një shkresë Presidentit, që ne si komision, jemi të hapur për ta dëgjuar nga e nesërmja deri ditën e hënë. Për ta dëgjuar, e të shmangur alibitë. Nga data 19 maj deri të hënën. Ne e kemi të pamundur që përtej ditës së hënë, 24 maj, për të zhvilluar veprimtarinë hetimore. Ne duhet të mbyllim hetimet dhe të kemi mundësi për të bërë një krehje të plotë për faktet, e për të krijuar bindjen e plotë e më tej për të mundësuar përgatitjen e raportit, koha do të ishte e papranueshme, afati aktual do të jetë ditën e hënë.
Anëtari i këtij Komisioni, Spartak Braho, u shpreh se mosnjohja e legjitimitetit të Kuvendit nga ana e Presidentit është puç.
“Nëse Presidenti nuk njeh legjitimitetin e Kuvendit, është puç, nuk është Republikë Parlamentare”, tha Braho.
