“Të futemi, të mos futemi në zgjedhje”/ Pse opozita shpalli fitoren dhe tani do rivotim? Alibeaj: Janë aq vota të pavlefshme saqë…

Deputeti i zgjedhur i PD, Enkelejd Alibeaj thotë se opozita e dinte që po hynte e pabarabartë në këto zgjedhje.

“Opozita është vetëm një segment i rëndësishëm i asaj që quhet proces zgjedhor. E dinim që vitin e kaluar, që kur nisen ndryshimet në Kod Zgjedhor. Në diskutim nuk është vetëm fati politik i PD, por fati politik i shqiptarëve. Mes një interesi të ngushtë të PD, “të futemi, të mos futemi” dhe mes një interesi publik, ne nuk mund t’i linim shqiptarët vetëm. Pse u futem? E denim që ishim në kushte të pabarabarta, e denim që do të përdorte administratën.”, tha Alibeaj në Open.

Ndërkohë ai foli edhe për deklaratën e ‘nxituar’ të PD që deklaronte fitoren e zgjedhjeve:

“Me 83 mijë fletë votimi të pavlefshme, kemi së paku 8 mandate deputetësh që nuk i përgjigjen realitetit. Nuk e lexon askush votën e 83 mijë shqiptarëve. Ne besuam, dua të jem i sinqertë”, tha Alibeaj.

Pse kërkoni rivotim në 9 qarqe?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Alibeaj: Fenomeni i blerjes së votës, përdorimi i administratës, emigrantët dhe patronazhistët janë të shtrira të njëllojta në territor, tani pse në 3 qarqe jo, se neni 60 thotë se ke të drejtë ta kërkosh pavlefshmmëri dhe rivotim që masa e pavlefshmërisë është e tillë që ndryshon rezultatin.

Pra kjo masë në 9 qarqe cënon ndarjen e mandateve.