LIGJET E BIZNESIT
Një 20-vjeçare në Greqi ka përjetuar disa minuta tmerri një ditë më parë në Greqi.
Një taksist, që dyshohet të jetë me origjinë shqiptare ka mbyllur dyert e makinës duke tentuar që të përdhunojë vajznë e re.
20-vjeçarja arriti të marrë taksinë nga një shesh në Exarchia që të shkonte në shtëpi. Gjatë rrugës, ajo kuptoi se diçka nuk shkonte. Kjo, pasi taksisti nuk po ndiqte drejtimin për ta çuar në destinacionin që ajo kishte kërkuar.
Në vend që ta linte atë në shtëpi, ai ktheu makinën duke u futur në një rrugicë të errët. Më pas ai iu drejtua vajzës, i tërhoqi këmbët drejt tij, shkoi t’i hiqte pantallonat dhe në të njëjtën kohë e goditi me thikë në gjoks. E frikësuar, 20-vjeçarja iu lut që ta linte, por ai vazhdoi që ta tërhiqte drejt tij dhe e kapi nga koka për ta puthur.
Në momentin që pa njerëz që po afrohen, vajza filloi të bërtiste me të madhe derisa ai e lëshoi dhe më pas u zhduk në rrugët e Patissia.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Viktima nuk ishte në gjendje që të mbante mend targën e automjetit, por i dha një përshkrim të plotë Policisë.
Nëna e saj foli për median greke “protothema” duke thënë: “Siç më tha vajza ime, autori i krimit është një i huaj dhe ai e mori atë nga sheshi i Eksarkatit për ta sjellë në shtëpi dhe e mbylli atë në taksinë në Eugenios Karavia. Vajza ime reagoi dhe ndërsa një grup po kalonte, ajo bërtiti me të madhe “ndihmë”, grupi e dëgjoi atë dhe vrapoi drejt saj. “Pastaj shoferi u frikësua dhe i hapi asaj bravën dhe kështu ajo arriti të dilte nga automjeti.”
