LIGJET E BIZNESIT
Në kuadër të përmbylljes së “Javës së Europës”, ambasadori i BE Luigi Soreca ka marrë pjesë sot në një aktivitet të organizuar në sheshin “Skënderbej” në Tiranë.
Ambasadoret e vendeve të BE në Shqipëri me në krye vetë Sorecën, duket se kanë vendosur të anashkalojnë disi protokollin diplomatik duke hedhur një valle popullore shqiptare.
Në krye shihet ambasadori i BE, përkrah një vajze me veshje tradicionale shqiptare.
Por duhet të themi se Soreca i ka lënë të gjithë pa fjalë me mënyrën surprizuese se si e kërcente pogonishten.
Pas Sorecës, shihet ambasadorja e Suedisë Elsa Hastad, ambasadorja e Holandës Guusje Korthals Altes, si dhe ambasadori gjerman Peter Zingraf, të cilët po shijojnë një moment mjaft të bukur në vallen e mbajtur në sheshin Skënderbej.
“Javët e Evropës” është një aktivitet që u zhvillua nga përfaqësuesit e BE-së në Shqipëri me rastin e 9 Majit që cilësohet si dita e Evropës, ku u shënua fitorja përfundimtare mbi fashizmin dhe përfundi i Luftës së Dytë Botërore.
