“SPAK të hetojë” Ambasadori Soreca në Durrës, i bën thirrje institucionit të rëndësishëm të drejtësisë

Ambasadori i Bashkimit Europian në vendin tonë Luigi Soreca, ka qenë i pranishëm sot në Durrës.

Nga qyteti bregdetar, kryediplomati foli për votimet e 25 prillit dhe akuzat që janë bërë për krime zgjedhore.

Soreca u shpreh se administrata zgjedhore dhe institucionet e drejtësisë duhet të hetojnë parregullsitë, në mënyrë që sipas tij të mësojmë se çfarë funksionoi dhe çfarë jo më 25 prill.

“Arsyet e turit janë dëgjimi i zërit të komuniteteve, zëri i të cilëve nuk është dëgjuar. Dua të degjoj problematikat edhe për zgjedhjet, cfarë funksionoi e cfarë jo, për t’i bërë zgjedhjet lokale më të mira. Eshte vleresim i mire pjesemarrja e te rinjve qe votuan per here te pare. Kjo eshte teper pozitive dhe te rinjte kane mundesi t’ju degjohet zeri. Ne kemi projekte te vazhdueshme me te rinjtë”, ka deklaruar ambasadori Soreca.

I pyetur nga një person me aftësi të kufizuara se “Ku është zëri im, edhe vota jonë mund të jetë vjedhur”, ambasadori Soreca është përgjigjur se “Ne kemi marre pjese ne diten e zgjedhjeve dhe procesin e numërimit. Objektivi ishte te monitoronim proceduren dhe zbatimin e Kodit Zgjedhor. OSBE/ODIHR folën e thanë se zgjedhjet ishin të rregullta e pa probleme. Ajo qe kemi pare eshte se ne qendrat e votimit ka pasur permiresime ne krahasim me zgjedhjet e meparshme.

Eshte shumë e rendesishme te ndiqen te gjitha parregullsitë, te hetohen e shikohen. Per ne eshte e rendesishme qe nga administrata zgjedhore dhe institucionet gjyqësore te shikohen parregullsite. Edhe SPAK ka mandat me te zgjeruar per te hetuar krimet zgjedhore. Ne po i ndjekim ceshtjet nga afer. Ne me qeverine qendrore dhe vendore do jemi zeri juaj”.