Shfrenohen të rinjtë britanikë/ Alkool dhe asnjë distancë sociale në koncertin eksperimental

Jo pak herë foto e të rinjve britanikë kanë bërë xhiron e rrjeteve sociale, por me pandeminë ato u komentuan edhe më shumë.

Një koncert eksperimental u bë shkak që gati 6 mijë të rinj të mblidheshin duke pirë alkool dhe qëndruan pranë njëri-tjetrit pa distancë sociale dhe pa maska .

“Koncerti eksperimental” nga banda Blossoms është një ngjarje pilot e planit të qeverisë britanike për të dalë nga pandemia.

Ministri i Shëndetësisë, Matt Hancock, tha më herët se rezultatet e koncertit “do të na ndihmojnë të sigurojmë që eventet e mëdha në të ardhmen të mbahen në mënyrë të sigurt”.

Të rinjtë bënë teste para dhe pas eventit dhe do të mbikëqyren në ditët në vijim nga Sistemi Kombëtar i Shëndetit (NHS).