Sasi rekord/ Kapen rreth 2 tonë kokainë në Kosovë, ja si kaluan me kamion nga Porti i Durrësit

Pak momente më parë policia ka kapur një sasi rekord kokaine në Kosovë.

Mësohet se bëhet fjalë për rreth 2.2 ton, e cila dyshohet se ka ardhur nga vendet e Amerikës Latine drejt Shqipërisë.

Sipas informacioneve, kontenieri me banane ka hyrë në portin e Durrësit ku ka patur sasinë e konsiderueshme të drogës.

Sasia e sekuestruar e lëndës narkotike kap vlerën e 6 miliardë eurove.

Ndërkohë SPAK ishte sinjalizuar për ngarkesën e dyshimte që do të vinte nga Italia dhe prej 10 ditësh mbante nën vëzhgim kamionin.

Autoritetet shqiptare do të ndërhynin vetëm nëse do të kishte tentativa për të marrë ngarkesën brenda territorit të Shqipërisë, por një gjë e tillë nuk ka ndodhur, pasi mjeti ka vijuar rrugën drejt Kosovë, ku dhe mësohet të ketë pas destinacionin.