Rikthehet çështja e Saimir Tahirit/ Caktohet relatori, kush është ish-kreu i Gjykatës së Krimeve të Rënda

Pas një përballjeje të gjatë, ish-ministri i Brendshëm Saimir Tahiri e ka zhvendosur tashmë betejën e tij me drejtësinë në Gjykatën e Lartë.

Ai ka kundërshtuar vendimin Apelit të Posaçëm të 26 qershorit 2020, që e ktheu dosjen në ngarkim të tij për rigjykim në Shkallën e Parë.

Sipas informacioneve Sandër Simoni është caktuar sot relator i çështjes së ish-ministrit të Brendshëm, Saimir Tahiri.

Simoni ka mbajtur postin e kreut të Gjykatës së Krimeve të Rënda, ndërkohë që më herët relator i çështjes ka qenë Ilir Panda.

Pritet që çështja e Saimir Tahirit të gjykohet brenda muajit korrik.