“Resorti ti kthehet Altin Hajrit” Dyshohet për rrëmbimin dhe vrasjen e Jan Prengës, Gjykata e Posaçme rrëzon SPAK

Rrëzohet kërkesa e SPAK për të konfiskuar pasurinë e Altin Hajrit “Golden Resort”.

Vendimi është marrë nga Gjykata e Posaçme.

Sipas këtij institucioni, pasuria nuk duhet të konfiskohet dhe as ti kalojë shtetit.

“Golden Resort” ishte pasuria e parë e sekuestruar nga OFL. Kjo e fundit vendosi sekuestro pasi Hajrat, u dyshuan për rrëmbimin dhe ekzekutimin e Jan Prengës, por ende kjo akuzë nuk është vërtetuar ndaj tyre.

Hetimi i SPAK për mosjustifikimin e pasurisë nuk ka bindur GJKKO dhe e ka rrëzuar konfiskimin.

Aktualisht “Golden” resort është nën menaxhimin e agjensisë së aseteve te sekuestruara.

Në 20 maj do të jetë seanca në apelin në GJKKO, ku prokuroria e Posaçme ankimoi vendimin e shkallës së parë.