“Rëndësi ka të kesh mbështetje” Moderatorja e njohur rrëfen problemet e saj me shëndetin mendor

Numri i personazheve të njohur që flasin për luftën e tyre me problemet e shëndetit mendor sa vjen e po bëhet më i madh.

Të shohësh njerëz që kanë influencë të madhe të flasin për diçka kaq të natyrshme, ndikon pozitivisht te ata që vuajnë nga gjëra të tilla por druhen të flasin për to.

E fundit që ka treguar rreth jetës së saj është dhe moderatorja e njohur Fjoralba Ponari.

Në një bisedë me ndjekësit, dikush e pyeti:

“Ke vuajtur ndonjëherë nga ankthi, depresioni ose ndonjë problem tjetër i shëndetit mendor?” Ndërsa ajo u përgjigj se në periudha të ndryshme të jetës ka vuajtur nga problemet e tilla:

“Po, nga te gjitha, edhe pse në periudha të ndryshme të jetës! Është me shumë rëndësi të kesh mbështetjen, si bashkëudhetarë, të njerëzve më të rëndësishëm për ty, në luftën me secilën prej atyre që ke përmendur. Nëse nuk ke besim të njerëzit që ke afër, kërko ndihmë te një profesionist. Më beso, është shumë e rëndësishme të ndash atë që po kalon me dikë tjetër, çfarëdo qoftë ajo që po ndjen.”