PS nuk humb kohë/ Nis procedurat për shkarkimin e Metës, ja çfarë pritet

Që në nisje të javës, Partia Socialiste nuk ka humbur kohë, duke konkretizuar kështu nismën për shkarkimin e presidentit Ilir Meta.

Mësohet se mazhoranca deri më tani ka mbledhur 47 firma.

Kjo nismë e socialistëve pritet që të futet në kalendarin e punës së Kuvendit.

Ndërkohë, sot do të mblidhet Konferenca e Kryetarëve për të miratuar kalendarin 3-mujor.

Gjithashtu, Konferenca e Kryetarëve do të miratojë programin 3-javor të punimeve të Kuvendit. Kujtojmë se nisma për shkarkimin e Presidentit Meta nisi pas fitores së PS në zgjedhjet e 25 prillit.

Vetë Kreu i Shtetit deklaroi gjatë fushatës elektorale se nëse PS fitonte zgjedhjet pa vjedhje votash, do të jepte dorëheqjen nga posti i Presidentit. Pas zgjedhjeve, Meta nuk dha dorëheqjen, por kërkoi të hetohen mbi 83 mijë votat e pavlefshme.