Po bënte selfie gjatë sherrit në parlament? Reagon deputetja: Po inçizoja… (VIDEO)

Seanca e kësaj të enjteje e Kuvendit të Kosovës u përcoll me debate të ashpra mes opozitës dhe pozitës aq sa që për një moment gati sa nuk ndodhi edhe një përleshje fizike mes deputetëve të LVV-së dhe atyre të PDK-së.

Teksa po ndodhte një situatë e tillë,  disa deputetë të tjerë u panë duke qëndruar larg rrëmujës dhe duke incizuar me telefona të gjithë situatën.

Pasi u raportua se në momentet më tenisonuese po bënte “selfie”, ka reaguar deputetja e LVV-së, Adriana Matoshi.

Matoshi ka deklaruar se nuk ishte duke bërë “selfie”, por po incizonte deputetët e Listës Serbe të cilët po qeshnin me situatën e krijuar aty.

“Nuk është selfie medie të dashura. Është regjistrim/inçizim i të qeshurave dhe reagimeve të deputetëve të Listës Serbe, përderisa deputetët e PDK-së ofendonin ministren Donika Gërvalla. Tmerr të shohësh skena të tilla në Kuvend, edhe më tmerr të shohësh teksa kënaqen deputetët serb”, ka shkruar Matoshi.