Përplaset me Eni Vasilin, Endri Shabani lë studion e emisionit: Po ç’është kjo punë që s’më…

Kreu i partisë “Nisma Thurje”, Endri Shabani, është larguar nga studio e emisionit “Open” në Top Channel para pak minutash. Ky veprim i tij, erdhi pas një debati që pati me moderatoren e emisionit, Eni Vasili.

Shabani pretendon se ai nuk mori kohën e duhur për të folur në emision dhe se nuk iu la që të mbaronte arsyetimin e tij.

Në kohën kur po diskutohetj çështja e votës së pakët për partitë e reja, Shabani renditi disa arsye se përse njerëzit votuan sërish Partinë Demokratike dhe Partinë Socialiste.

“Po më lër të mbaroj fjalinë tani, se kam 30 minuta pa folur,” tha Shabani.

“Po ja prit t’i japim dhe fjalën …,” tha Vasili.

“Po ç’është kjo punë që s’më lini të mbaroj,” tha Shabani dhe më pas hoqi mikrofonin dhe u largua.

“Po mirë bëj si të duash,” iu përgjgj Vasili.