“Nuk kam asnjë lidhje me vra sjen”, gjeorgjiani i arrestuar për grabitjen në Greqi i mohon akuzat ndaj tij

Një shtetas nga Gjeorgjia është personi i vetëm i arrestuar deri më tani për grabitjen që përfundoi me vrasjen e 20-vjeçares Karolinë në Athinë.

Urdhër-arresti u lëshua nga hetuesit për grabitjet seriale dhe dëmtimet  trupore, që po hetohet për përfshirje në krimin e rëndë në Glyka Nera.

Tanimë ai pritet të dërgohet në gjykata dhe menjëherë pasi të ekzekutohet urdhri, ai do të dalë përpara hetuesve.

Gjeorgjiani mohon çdo përfshirje të tij në ngjarjen e dhunshme. “Unë nuk kam asnjë lidhje me vrasjen në Glyka Nera”. Kjo gjë pretendohet nga gjeorgjiani, që u arrestua në kufirin e Evros teksa po përpiqej të largohej nga Greqia me dokumente të falsifikuara.

I arrestuari është duke u hetuar për pjesëmarrje në grabitje pas vrasjes së 20-vjeçares Caroline, që u krye teksa ajo ishte pranë foshnjës së saj, brenda shtëpisë së saj, në Glyka Nera.

36-vjeçari, që u transferua nga Evros në Drejtorinë e Përgjithshme të Policisë të Atikës një ditë më parë dhe po merret në pyetje nga oficerët e policisë të Departamentit të Vrasjeve, por edhe të Departamentit të Vjedhjeve, pretendon se ai nuk ka asnjë ide për tre kriminelët dhe vrasjen e 20-vjeçares, Karolinë.

Po sipas të njëjtave burime, deri më tani nuk ka prova për ta përfshirë të dyshuarin në këtë rast, por marrja në pyetje e tij vazhdon.

36-vjeçari do të shihet nga afër dhe nga burri i 20-vjeçares, në mënyrë që të zbulojë nëse i duket si vrasësi i bashkëshortes apo jo.