“Nuk duam përralla”/ Anëtari i dehur i PD-së i prish fjalimin Edith Harxhit

Ndërsa ka nisur fushatën, një incident i ka ndodhur Edith Harxhit, kandidates për kreun e PD.

Gjatë fjalës së saj në Korçë, ajo është ndërprerë 2 herë, pasi një anëtar i PD-së herë pas herë komentonte fjalimin e saj duke thënë “nuk duam të dëgjojmë përralla”.

Përtej incidentit, Harxhi ka pasur kritika për mënyrën se si funksionon kjo parti. Duke e quajtur 8-vjeçarin më të vështirë në opozitë, Harxhi tha se PD nuk dëgjon fjalën e degëve në rretheve.

“8 vjeçari më i vështirë i PD në opozitë, me qeverisjen mjaft të dobët të Ramës, ka bërë që kjo opozitë të jetë më pak e mundur për të bërë aq sa duhet, por angazhimi juaj me strukturat jo vetëm duhet të vlerësohet, por ne të gjithë hyjmë e dalim në seli, por harrojmë atë që bëjnë strukturat, prandaj unë ju falënderoj. Në qendër nuk dëgjohet fjala e degëve”, tha Harxhi.