LIGJET E BIZNESIT
Një gazetare daneze ështq bërë tepër e njohur pasi transmetoi për publikun intervistat që kishte realizuar në një lokal seksi duke kryer edhe vetë marrëdhënie seksuale.
Një raportim i tillë shkaktoi sensacion tek publiku, duke marrë kritika, por edhe mesazhe mbështetjeje.
Louise Fischer nga Danimarka shkoi në një nga lokalet ku kryhen marrëdhënie seksuale, për të raportuar për një aktivitet të ngjashëm pas rihapjes nga pandemia pasi ishte bllokuar nga masat anti-Covid.
26-vjeçare thotë se për t’i bërë më komod të intervistuarit në këtë lokal seksi, vendosi që edhe vetë të përfshihej duke kryer marrëdhënie seksuale.
Në materialin audio që ka shpërndarë vetë ajo në Tëitter, gazetarja dëgjohet duke bashkëbiseduar me klientët e këtij lokali, dhe në disa raste dëgjohet edhe duke kryer marrëdhënie seksuale.
Përpos rrjeteve sociale, materiali audio është transmetuar edhe në një emision mëngjesi në Radio 4 në Danimarkë.
Gazetarja u shpreh se nuk e kishte planifikuar që të kryente marrëdhënie gjatë intervistës, por shtoi duke thënë: “Për mua është shumë e natyrshme. Është pjesë e punës sime që të jap një pasqyrë të një bote ku jo të gjithë mund të kenë akses. Ishte mirë që në një farë mënyre krijova besim tek klientët duke u bërë pjesë e botës së tyre”.
Shumë përdorues të rrjeteve sociale ishin kundër intervistës.
“Ishte vetëm një justifikim, krejtësisht e panevojshme. Këto janë gjëra që vetëm gratë mund t’i bëjnë. Sikur një burrë të bënte seks në radio, me siguri i gjithë vendi do t’i ishte kthyer kundër”, janë disa prej mesazheve negative.
