Nga “Miss” në kryegjyqtare/ Kush është Enkeleda Kapedani që bëri namin me VIDEOT e publikuara

Pamjet në të cilat shfaqet kryegjyqtarja e Elbasanit duke bërë pasarelë në ambientet e Gjykatës kanë bërë xhiron e rrjetit, duke tërhequr një vëmendje të madhe nga publiku.

E gjithë kjo situatë, nxiti reagime dhe për faktin se kohët e fundit qyteti i Elbasanit është pushtuar nga krimi dhe  atentatet e shumta, ndërsa nga ana tjetër gjyqtarja Kapedani pozon e lumtur dhe me muzikë në sfond në “Tik Tok”.

Nërkohë së fundmi është publikuar dhe fotoja e gjyqtares kur ishte 18-vjeç dhe merrte pjesë në Miss Shqipëria 2003.

Ajo ka hedhur një foto në TikTok, me anë të së cilës kujtonte kohën kur merrte pjesë në Miss Shqipëria 2003. Por më pas aja e ka fshirë këtë profil. “Sa herë kam ndjekur nga ekrani konkursin e bukurisë kam luftuar me veten të shkoj apo të mos shkoj dhe unë vitin tjetër. Dhe ja ku jam tani në Mss Shqipëria për të shkelur pasarelat që ngrihen mbi kalanë e Lëkursit dhe për të hedhur një hap drejt të ardhmes sime”- shkruan Kapedani në kartolinën e konkurrimit në Miss Shqipëria.