Ndodh në teatrin “Migjeni”/ Shembet suvaja e ndërtesës, plagoset aktori i njohur

Pasditen e djeshme ka ndodhur një incident në teatrin “Migjeni” të Shkodrës, i cili mund të sillte pasoja të rënda.

Mësohet se menjëherë pas shfaqjes “Armiku në Shtëpi” të Ernest Koliqit, një copë muri është shkëputur nga fasada e ndërtesës dhe ka goditur në trup aktorin Nikolin Ferketa.

Ky i fundit mësohet se është dëmtuar në shpinë dhe ndodhet jashtë rrezikut për jetën.

Aty afër ishin edhe fëmijë të vegjël, të cilët kishin ardhur me prindërit e tyre për të ndjekur këtë shfaqje.

Shpeshherë është ngritur ky alarm për ndërtesat e vjetra që nuk kanë asnjë lloj sigurie në Shkodër dhe në total janë të paktën 28 të tilla.

“Kjo nuk duhet të ndodhë më, të merren masa urgjente”, është shprehur aktori i njohur.

Ndërkohë ka reaguar edhe drejtoresha e Teatrit Rita Gjeka e cila është shprehur:”Institucionet të ndërhyjnë, gjëra të tilla të mos ndodhin më.”