Ndërroi jetë pak javë më parë, zbulohet shkaku i vdekjes së princit Philip

Princi Philip i Britanisë së Madhe u nda nga jeta pak javë më parë.

Ndërkohë në certifikatën e tij të vdekjes, shkak është cilësuar mosha e thyer.

Duka i Edinburgut mbylli sytë përgjithmonë në moshën 99-vjeçare, njoftoi Pallati Buckingham në atë kohë. Dhe, dje u zbulua njoftimi zyrtar i vdekjes. Aty thuhet se shkaku ishte thjesht “pleqëria”.

Dokumenti u certifikua nga Sir Sir HuëThomas, mjek i familjes mbretërore.

Përshkrimi “pleqëri” pranohet nëse pacienti është mbi 80 vjeç dhe nëse mjeku është kujdesur personalisht për pacientin për një periudhë të gjatë, duke vërejtur një rënie graduale.

Ai sugjeron se nuk kishte ndonjë sëmundje ose dëmtim tjetër të identifikueshëm që kontribuoi në vdekje, përfshirë gjendjen e zemrës që e detyroi atë t’i nënshtrohej një procedure kirurgjikale vetëm disa javë para se të ndahej nga jeta, sipas The Daily Telegraph, që siguroi edhe certifikatën.