‘Na fal që nuk të përgjigjemi dot’/ Qytetarët në Tiranë protestë në mbështetje të Palestinës

Me dhjetëra qytetarë protestuan në sheshin “Skënderbej” në mbështetje të Palestinës e cila prej një jave është përfshirë në një konflikt të përgjakshëm me Izraelin.

“Na fal Palestinë që nuk të përgjigjemi dot” ishte thirrja që dominoi protestën.

Një tjetër parrullë ishte “Stop gjenocidit! Lironi Palestinën!”

Lufta nisi pas tensioneve për pronat e palestinezëve në Jeruzalemin lindor dhe urdhërit të autoriteteve për t’i dëbuar. OKB dhe SHBA kanë bërë thirrje për armëpushim por Izraeli nuk pranon. Netanjahu ka deklaruar se Izraelit nuk i intereson një armëpushim në këtë moment.