“Mos je agjent i Serbisë?”, Ramush Haradinaj çudit publikun me pyetjen ndaj kryeministrit Kurti (Video)

Kryetari i Aleancës për Ardhmërinë e Kosovës, Ramush Haradinaj, ka pyetur kryeministrin e Kosovës nëse është agjent i Serbisë.

Këtë “dyshim” të tijin, Haradinaj “e bazoi” në qëndrimin e Kurtit nëpër burgjet e Serbisë.

“A jeni i rekrutuar nga shërbimet sekrete serbe në kohën sa je mbajt në burg, pra a mban Serbia diçka mbi ty me të cilën të mbanë peng sot e kësaj dite, a është Kosova më e rrezikuar nga ti si i rekrutuar nga shërbimet serbe gjatë qëndrimit në burg, apo nga çlirimtarët që janë detyrua me e mbajt pushkën në dorë me luftua për lirinë e vendit”, pyeti Haradinaj.

Ai thotë se diçka e tillë duhet të shpjegohet sa më qartë.

“Sepse qarkullojnë gjatë këto”, tha Haradinaj gjatë seancës së Kuvendit të Kosovë.

Fjalimi i Haradinajt vjen pak kohë pasi Albin Kurti ka deklaruar në Hagë se “Në institucionet e Ballkanit Perëndimor ka kriminelë të luftës”.