LIGJET E BIZNESIT
Aktori Ermal Mamaqi së fundmi njihet dhe si producent me dy filmat që ka realizuar me titujt “Dy gisht mjaltë” dhe “I love Tropoja”.
Ndërkohë ditën e sotme në programin “Dola te Ola” u shfaq një fotografi e realizuar gjatë filmit “I love Tropoja”, ku Mamaqi shfaqet në krah të kryeministrit Edi Rama, i cili ka luajtur rolin e dajës.
Aktori u shpreh se kryeministri ftesën e tij për të marrë pjesë në film, Rama e kishte pritur shumë mirë dhe gjatë xhirimeve ka qenë shumë bashkëpunues.
Ermali tregoi se në një moment i kishte thënë kryeministrit se nuk do të çoheshin nga tavolina pa e mësuar gjithë tekstin. Me humor shtoi se nëse do t’i bërtiste Edi Ramës si ndonjë aktori tjetër, projekti do të kthehej në një film horror.
Ai zbuloi se pjesa me helikopter është bërë me 3D, sepse kryeministri nuk donte të hipte, pasi ishte shumë i angazhuar me punët e veta dhe kushtet e sigurisë së helikopterit nuk ishin në nivelet e duhura për një kryeministër.
Ndërsa në lidhje me batutën që ka mbetur në film, “Ti qenke burrë, jo ky krushku im që mezi i mban pantallonat” Ermali tregoi se përgjigjja që duhej të thuhej nga kryeministri ishte “Edhe unë nuk i kam qejf hiç brekët”. Ermali zbuloi se kishte hezituar t’ia kërkonte Ramës pasi mendonte se do ta kontestonte, por reagimi i tij ishte surprizues. “Po qenka e bukur”, kishte thënë ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
