“Më ndihmoni” Kryeprokurorit Çela i ndodh e papritura në Fier, qytetari i zë rrugën dhe ka një kërkesë

Gjatë vizitës së tij në Fier kryeprokurori Olsian Çela është përballur sot me një të papritur.

Familjarët e Elisabeta Lamajt, 30 vjeçares nga Ballshi e cila ndërroi jetë me 10 prill të këtij viti pas anestezisë lokale gjatë lindjes, kanë protestuar para prokurorisë së Fierit.

Të vendosur ata nuk i kanë ndalur përpjekjet për ti shkuar deri në fund çështjes duke pretenduar drejtësi.

Ndërkohë pas protestës, Leonard Lamaj, bashkëshorti i të ndjerës ka takuar Prokurorin e Përgjithshëm Olsian Çela, të cilit i ka kërkuar ndihmë.

“Kam bërë kërkesë për takim me prokurorin. Të gjithë e kanë neglizhuar këtë çështje, askush se ka ndjekur, kërkoj ndihmën tuaj”, tha ai.

Çela i premtoi se do t’i kërkojë drejtueses së prokurorisë që ta presë në takim.

“Do ti kërkoj vetë drejtueses të prokurorisë të bëjë takim me juve personalisht”, shtoi ai.