“Martohu me mua” Miliarderi më i ri single, Bill Gates merr propozimin e papritur pas divorcit

Divorci i miliarderit Bill Gates nga bashkëshortja e tij Melinda pas 24 vitesh ka bërë shumë bujë.

Por duket se beqari më i ri në tregun e të pasurve, nuk do të jetë vetëm për shumë kohë pasi i ka ardhur një ofertë speciale.

Komenti i këngëtares Neda Ukraden në profilin e Gates ka tërhequr vëmendjen e të gjithëve.

Ajo i ka propozuar miliarderit për martesë.

Në formë shakaje, ylli i muzikës i ka thënë një nga njerëzve më të pasur në botë se dëshiron që të plaket me të.

Kujtojmë se dy ditë më parë, Bill dhe Melinda Gates lajmëruan se do ndahen, një vendim i marrë nga të dyja palët.

Të dy ata do ndajnë pasurinë në mënyrë të barabartë. Prej ditësh, mediat rozë vetëm për këtë çështje shkruajnë, duke treguar detaje të fshehta të çiftit ndër vitesh.