Lajm i mirë/ Ja kur hyn në fuqi marrëveshja Shqipëri-Itali për njohjen e patentave

Përfundojnë tërësisht procedurat e brendshme nga pala italiane në lidhje me marrëveshjen për njohjen e ndërsjelltë të lejeve të drejtimit midis Shqipërisë dhe Italisë.

Bëhet me dije se kjo marrëveshje, e cila është miratuar para pak muajsh nga qeveria shqiptare do të hyjë në fuqi pas 60 ditësh, konkretisht në datën 12 korrik 2021, kohë kjo e përcaktuar me ligj pas publikimit në fletoren zyrtare.

Marrëveshja për njohjen e ndërsjelltë të lejeve të drejtimit midis vendeve u dakordësua në datën 12 mars gjatë vizitës së Ministres për Evropën dhe Punët e Jashtme, Olta Xhaçka, në Itali.

Ndërokhë, disa ditë më vonë, konkretisht më datë 17 mars, marrëveshja u firmos në Tiranë mes Ministres Xhaçka dhe Ambasadorit italian në Shqipëri, Fabrizio Bucci.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern