“Ky është fakt” Pjerin Ndreu i bindur, tregon ku gabuan kandidatët e PS në zgjedhjet e 25 prillit

Ditën e sotme kryebashkiaku i Lezhës Pjerin Ndreu u shpreh se në zgjedhjet e 25 prillit, pati një taktikë të gabuar nga ana e socialistëve.

Në një lidhje për programin “Breaking” , ai tha se gabimi ishte pasi kandidatët në fushatë kërkuan votën preferenciale dhe kjo i dëmtoi, pasi fletët e pavlefshme ishin të PS në qarkun e Lezhës.

“Nuk është se jemi të kënaqur me rezultatin, ka pasur shumë në Lezhë vota të pavlefshme, mbi 70% janë të PS. Ka qenë një taktikë e gabuar e jona, që i lamë hapësira kandidatëve që të kërkojnë edhe numrin e tyre të votimit. Në shumë raste kanë votuar numrin e partisë, dhe më pas vertikalisht kandidatin. PS ka lejuar kandidatët të luajnë me numrin e vet. Gjë që ka nuk e kanë bërë forcat e tjera politike dhe ky është fakt”, tha Ndreu.

Sipas tij, “në bashkinë Lezhë rezultati diferenca ka qenë 250 vota me PD-në, e mbi 1600 vota janë të pavlefshme. Lezha ka qenë edhe dhimbja e kokës e këtyre që bërtasin dhe krijojnë kështu historish”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern