LIGJET E BIZNESIT
Një vajzë 12-vjeçare në Greqi ka denoncuar një 46-vjeçar, që ka tentuar ta rrëmbejë, në zonën e Rafinës, disa ditë më parë.
E mitura është shprehur të enjten e kaluar se në orën 23:15, teksa ajo po kthehej në shtëpi me biçikletë, iu afrua një makinë e bardhë brenda së cilës gjendej një burrë.
“Unë po kthehesha në shtëpi me biçikletë. Mu afrua një automjet i bardhë, në të cilin kishte hipur një burrë. Ai më ndoqi mua dhe u përpoq të më fuste në makinë. Ai nuk pati sukses dhe unë shpëtova”, ka thënë e mitura.
Më tej 12-vjeçarja shtoi: “Isha afër sheshit dhe makina po ecte pranë meje. Unë po zbrisja nga Arathines dhe ai po më kërcënonte të hyja brenda, që të më merrte në shtëpi. Kjo ka ndodhur. Ai po më thërriste të hyja, nuk po thoshte asgjë tjetër. Në fillim më tha përshëndetje kukull çfarë po bën dhe pastaj më thirri që të hipja në makinë”.
E mitura, e frikësuar u kthye në shtëpi dhe raportoi tek të afërmit atë se çfarë kishte ndodhur, ndërsa fqinjët e kishin dëgjuar atë duke thirrur për ndihmë.
Policia, arriti të lokalizonte makinën e bardhë në zonën e Pallini dhe arrestoi 46-vjeçarin, i cili tashmë po përballet me akuza.
46-vjeçari ka punuar për Autoritetet e Mashtrimit në zonë, teksa po paraqitej si një ekonomist. Po hetohet po ashtu edhe nëse ai është përpjekur të rrëmbejë fëmijë të tjerë në të kaluarën dhe ka shumë të ngjarë që fotoja e tij të bëhet publike.
Gjatë kontrollit në automjetin e tij u gjetën pilula gjumi, të cilat nuk dihet ende nëse ai do të përpiqej t’ia jepte të miturës në rast se ajo hynte në makinën e tij.
