Krijimtari e pakufijtë/ Kuzhinieri gatuan mjeshtërisht pica mbi vullkanin aktiv

Që nga muaji shkurt, në Guatemalë ka shpërthyer vullkani “Pacaya”. Me shpërthimin e tij, komunitetet lokale dhe autoritetet po jetojnë nën tension. Mirëpo për David Garcia, rrjedha e llavës është transformuar në “kuzhinë” të tij. Sipas Garcia, krijimtaria nuk ka kufij pasi ka nisur të gatuajë pica për vizitorët mbi llavën e vullkanit.

“Shumë njerëz sot vijnë për të shijuar ngrënien e picës së bërë në nxehtësinë e vullkanit.”, shprehet ai. Garcia filloi të merrej me pjekjen e picave në 2013 në zgavra të vogla të cilat i gjeti mes shkëmbinjve dhe tashmë ideja e tij është bërë një “magnet” i vërtetë për turistët që shikojnë vullkanin masiv i i cili ndodhet vetëm 25 kilometra në jug të kryeqytetit të vendit.

“Unë nuk shita shumë ditët e para,” u shpreh Garcia. “Të hash një picë të gatuar në thëngjijtë e një vullkani është njëkohësisht tronditëse dhe unike në të gjithë botën,” tha turisri Felipe Aldana.