Komisioneri për Zgjerim i BE gati të ndajë: Shqipëria mund të fillojë bisedimet pa Maqedoninë e Veriut

Në një prononcim për mediat në Bruksel, Komisioneri për Zgjerim i BE Oliver varhelyi tha se ekziston mundësia që vendi ynë të ndahet nga maqedonia e Veriut, për shkak të problemeve që kjo e fundit ka me Sofjen.

“Vlerësimi ynë është se të dy vendet, si Maqedonia e Veriut ashtu edhe Shqipëria kanë përmbushur të gjitha kushtet për të organizuar Konferencën e Parë Ndërqeveritare.

Shpresoj se do të jemi në gjendje të kemi konferencat e para ndërqeveritare në qershor të këtij viti. Nëse hasim përsëri në vështirësi me Maqedoninë e Veriut që do të thotë se do jemi të pasuksesshëm në bindjen e Bullgarisë dhe Maqedonisë së Veriut për të arritur në një zgjidhje reciprokisht të pranueshme, atëherë do të shfaqet pyetja, nëse mund të shkojmë përpara vetëm me Shqipërinë”, tha ai.