Kërkoi të dilte nga regjimi “41 bis”, Gjykata e Lartë merr vendimin për Emiljano Shullazin

Ditën e sotme Gjykata e Lartë ka vendosur të rrëzojë pretendimet e “të fortit” të Tiranës Emiliano Shullazi dhe të bashkëpandehurve të tij.

Ata kanë kërkuar të lirohen nga qelitë e regjimit të rreptë “41 bis” ku mbahen nën masa të rrepta sigurie dhe survejim të plotë.

Sipas informacioneve një kolegj tre anëtarësh i Gjykatës së Lartë nuk ka pranuar kundërshtimet e bëra nga të pandehurit ndaj vendimit të Apelit të Posaçëm për lënien e tyre në regjimin e posaçëm.

Shullazi dhe grupi po vuajnë një dënim me 55 vite burg në total dhënë nga Gjykata për Krimet e Rënda për akuzat e “gjobëvënies” dhe “grupit të strukturuar kriminal”.

Vazhdimisht avokati mbrojtjës i Shullazit, Vladimir Meçe e ka quajtur të jashtëligjshëm vendimin për mbajtjen në regjimin e posaçëm të klientit të tij, sa kohë që nuk ka një vendim final nga Gykata e Apelit të Posaçëm.

Meçi bën me dije se një regjim i tillë ngrihet vetëm për persona që kanë një vendim të formës së prerë, ose ka indicie serioze që ata kanë kryer vepra të tjera penale gjatë kohës që janë në qëli dhe paraqesin rrezikshmëri të lartë.