“Ja cilët ishin dy faktorët e riskut”/ Drejtori i spitalit ‘Shefqet Ndroqi’ flet për ndarjen nga jeta të Guljelm Radosë

Drejtori i spitalit “Shefqet Ndroqi”, Perlat Kapisyzi, tha se kishte dy faktorë risku që ndikuan në përkeqësimin e gjendjes së aktorit të njohur, Guljelm Radoja, i cili sot u nda nga jeta.

I ftuar në “Real story”, Kapisyzi u shpreh se aktori kishte hipertension dhe pak mbipeshë. Po ashtu ai u shpreh se Radoja duhej ta kishte kuptuar në kohë sëmundjen, pasi monitorimi dhe kujdesi në kohë ka shumë rëndësi.

“Gjendja e Guljelm Radojës ishte e rëndë. Covid është i pabesë dhe si i tillë kapet pak me vonesë. Guljemi u mjekua në Spitalin e Durrësit, pati një përmirësim, pastaj vetëm kur lajmëruan se do e sjellim se është intubuar.

Kishte hipertension dhe pak mbipesha, që ishin faktorë risku. Ka edhe të rinj, që ndërrojnë jetë pa sëmundje shoqëruese. Duhej ta kishte kuptuar në kohë. Ka shumë rëndësi monitorimi dhe kujdesi në kohë”, u shpreh Kapisyzi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern