LIGJET E BIZNESIT
Ish-ministri i Shëndetësisë në kohën e Sali Berishës, Tritan Shehu ka lëshuar së fundmi një paralajmërim të fortë.
Sipas tij Partia Demokratike do të përballet me qeverinë aktuale në të gjitha arenat për të dokumentuar masakrën zgjedhore që është bërë me 25 prill.
“Që ka pasur një masakër elektorale kjo është vërtetuar edhe nga hulumtimet sipërfaqësore të bëra nga KQZ dhe KAS, që ka pasur një përdorim masiv të parave për të blerë vota, kjo është e qartë. Kjo krijon një deformim të thellë në demokracinë shqiptare për të cilën PD do të përballet, duke përdorur të gjitha tribunat, arenat, brenda dhe jashtë vendit dhe parlamentin që do të krijohet në shtator.
PD duhet të përdorë të gjitha hapësirat e mundshme që ka për t’u përballur me këtë regjim, brenda Shqipërisë, brenda parlamentit, në rrugë, jashtë vendit, me partnerët tanë, duke çuar kudo librin e zi të këtyre zgjedhjeve, për atë që ka ndodhur në Shqipëri.
Por, a ishte momenti i duhur për zgjedhjet brenda PD për kryetar? “Kjo është diçka e mbyllur, pasi vendimit të këshillit. Kjo gjë nuk duhet dhe nuk do të ndalojë dokumentimin e krimit elektoral në zgjedhjet e 25 prillit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Më tej, ai u pyet nëse do të jetë ai një nga kandidaturat për kryetar të PD në zgjedhjet e 13 qershorit. “Unë kam qenë kryetar i PD, por aktualisht nuk do ta tentoj këtë gjë, nuk e kam menduar dhe nuk kam asnjë kërkesë të tillë”, deklaroi Shehu për A2.
