I ngacmoi vajzat, detaje të reja nga vr asja e të riut në Shkodër, autori: Nuk durova më, ma kishte sjellë te hunda

Të tjera detaje janë zbardhur nga ngjarja e rëndë e ndodhur një natë më parë në Shkodër ku mbeti i vrarë 25-vjeçari, Emiljano Ndou.

Autori, 47-vjeçar që u arrestua pak orë pas ngjarjes,  ka thënë para uniformave blu se 25 vjeçari i kishte ngacmuar më parë vajzat dhe se nuk e duronte dot më.

Ai ka pohuar se kur 25-vjeçari ka kaluar para shtëpië së tij me motor ka marrë armën dhe ka qëlluar drejt tij duke i shkaktuar vdekjen e menjëhershme.

“Nuk durova më, ma kishte sjellë te hunda” ka thënë 47-vjeçari para policisë.

Dyshohet se viktima dhe autori kanë pasur shpesh debate në lidhje më këtë çështje.

Burime për mediat bëjnë me dije se 47-vjeçari pas vrasjes nuk ka temtuar të largohet, por ka qëndruar në banesë.

Njoftimi i policisë në lidhje me arrestimin e autorit:

Sekuestrohet arma e zjarrit kallashnikov me të cilën dyshohet se autori kreu krimin.

Në fshatin Bardhaj, në afërsi të një kalçetoje, dyshohet se një konflikti për motive të dobta shtetasi  M.K, 47 vjec, banues ne fshatin  Bleran Bardhaj,  ka vrarë me armë zjarri shtetasin E.N, 25 vjeç, banues ne Bleran Bardhaj.

Falë reagimit në kohë dhe  veprimeve të  shpejta e profesionale të kryera nga Policia, u bë e mundur  identifikimi dhe kapja brenda pak minutash  e autorit të dyshuar të vrasjes.

Grupi hetimor  nën drejtimin e Prokurorisë po punon pēr sqarimin e rrethanave dhe dokumentimin e plotë  të kësaj ngjarjeje.